Notast er við rannsóknarmódel Qualtrics til að mæla sjálfbærni, The Qualtrics ESG solution. Markmiðið með því var að búa til staðla svo að leiðtogar geti safnað sjónarmiðum allra hagsmunaaðila til að taka gagnadrifnar ákvarðanir um hvernig eigi að ná fram umhverfislegum (e. environmental), félagslegum (e.social) og stjórnunarlegum (e.governence) markmiðum."

Módelið mælir þá 4 þætti sem The World Economic Forum telja að muni leiða heiminn á sjálfbærari stað. Þessir fjórir þættir eru Jörðin (e.planet), velsæld (e.prosperity), fólk (e.people) og stjórnarhættir (e.governance):

Jörðin: Viðskiptavinir hafa í auknum mæli áhuga á að versla við fyrirtæki sem hafa skuldbundið sig til að starfa með umhverfisvænum hætti. Það þarf að ákvarða hvort að viðskiptavinir séu meðvitaðir um þær aðgerðir sem fyrirtækið fer í til að draga úr umhverfisáhrifum og hvort fyrirtækið leitist við að lágmarka sóun við framleiðslu og afhendingu afurða sinna.

Velsæld: Fyrirtæki verða að styðja við samfélögin þar sem þau starfa.  Þegar samfélag þrífst, þá þrífast einnig stofnanir innan þess. Að vera samfélagslega ábyrgt fyrirtæki felur í sér að hvetja til frumkvöðlastarfs og að bæta efnahag þess samfélags sem það starfar í. Það er einnig mjög mikilvægt að upplýsa viðskiptavini um þau samfélagslegu verkefni sem fyrirtækið styður með virkum hætti.

Fólk: Til að teljast vera sjálfbært fyrirtæki þurfa viðskiptavinir að trúa því að þeir fái sanngjarna meðferð, að þeir eru öruggir þegar þeir eiga í samskiptum við fyrirtækið og að ákvörðun stjórnenda séu góðar fyrir þeirra hagsmuni.

Stjórnarhættir: Stjórnendur verða að taka ábyrgð á því að innleiða langtíma áætlun til að ná markmiðum sínum í sjálfbærni. Viðskiptavinir þurfa að skilja markmið fyrirtækisins, treysta að fyrirtækið starfi að heilindum, og að vara og þjónusta fyrirtækisins bæti líf þeirra.